شكوى

موضوع: شكوى السبت يناير 19, 2008 8:01 pm

اعتقد يا شباب ان ده منتدى مسرح يعنى كل ما فيه مختص بالمسرح انا صعقت عندما شاهدت مندتى الديكولر والملابس بهذه الصوره منتدى ديكور وملابس المسرح احنا مش فى مجله لكى ولاسرتك يجب تعديل المعنى للمشرف على هذا المنتدى الى ديكور وملابس المسرح.

موضوع: رد: شكوى الأحد يناير 20, 2008 5:55 am

علم وينفذ باذن الله وياريت ياجميل متزعلش احنا لسه بنقول ياهادي يلا عاوزين كل شباب المسرح يشتركوا ويشغلوا المنتدى

موضوع: رد: شكوى الأحد يناير 20, 2008 12:57 pm

السلام عليكم ،

أنا آسفة لأني مفهمتش المقصود من قسم الديكور و الملابس بأنه مخصص لما يخص المسرح فقط ... بس على كده نشيل كمان قسم الموضة و الجمال لأنه لا يخص ما يتعلق بالمسرح Question

على العموم أنا آسفة Crying or Very sad

موضوع: توضيح الأحد يناير 20, 2008 1:20 pm

انا من راى ان الموقع شامل لكل حاجه وانه قابل لكل حاجه بس الديكور والملابس معروفه انها لمسرح وانا بقترح انه يتشال اصلا لانه ملهوش لازمه اما الديكور والملابس الخاصه بالسيدات فمعروف انه بينتمى الى قسم الموضه والجمال Exclamation

موضوع: رد: شكوى الأحد يناير 20, 2008 1:42 pm

السلام عليكم ورحمة الله وبركاته

أهلا بيك يا أحمد طبعا فى المنتدى
ومش نقدر نزعل حد طبعا احنا نفسنا ان المنتدى ينتشر بين أعضاء فريق التمثيل وكمان طلبة الكلية علشان يقدروا يشوفوا المواهب اللى فى جامعتنا
انا معاك فى أن قسم الديكور مختص بالمسرح
لكن الملابس للفتيات أو الرجال فده من الطبيعى أنه يكون فى المنتدى ومش شرط أنه يكون ملابس التمثيل فقط لا غير لكن بالعكس المفروض أنه يختص بكل شئ لأن ده منتدى فريق التمثيل جامعة عين شمس بس فى نفس الوقت منتدى عام للطلبة

يارب اكون قدرت اوصل وجه نظرى

موضوع: رد: شكوى الأحد يناير 20, 2008 2:35 pm

أنا موافقاك يا شيماء ... وده باضبط اللي كنت عايزة أقولُ

موضوع: رد: شكوى الأحد يناير 20, 2008 8:39 pm

ايها السيدات والساده انا لا اقصد ابدا الاهانه ، انا بس كنت بطرح وجهة نظرى تجاه موضوع من وجهة نظرى انه مخالف ، انا لا اضع القوانين ولكن اطرح وجهة نظر واذا انا كنت خطأ فعلى المختصين بقوانين المنتدى الرد على تعقيبى و ادين اليكم بالاعتذار ، اعتذر عن هذا الخطأ.

موضوع: رد: شكوى الإثنين يناير 21, 2008 5:47 am

السلام عليكم ورحمة الله وبركاته

لا داعى للاعتذار يا أحمد لأننا جميعا بنحترم وجه نظرك جدا ودائما المفروض أن كل الأعضاء يحترموا وجهات نظر بعض لأن أهم شئ الأحترام
لكن بالنسبة للموضوع بتاعك كل عضو قال وجه نظره فمفيش مشكلة حصلت علشان تؤدى للأعتذارولا ايه يا جماعة ؟

موضوع: رد: شكوى الإثنين يناير 21, 2008 6:11 am

السلام عليكم ورحمة الله وبركاتة

اخوتي واخواتي تحية طيبة من القلب الى القلب ردا على ما اثير وما ارسل الي احب ان اوجه انظاركم ان المنتدى مقسم لثلاث اقسام اولا المنتديات العامة والمنتديات المتخصصه والادارة ويمكن للجميع ان يتأكد من ذلك بمعنى ان المنتديات العامة لها كل الصلة بالموضوعات المختلفة ويحق للجميع المساهمة والمشاركة بها وكذلك في المنتديات المتخصصة التي وضعت من اجل التعريف بفن المسرح وادواته وما يدور بداخله وهو ليس بحكر على احد دون الاخر فجميع الاعضاء متساون في الحقوق والدليل على ذلك هو اشراف اختنا العزيزة امال التي اكن لها كل الاحترام على اجتهادها وموضوعاتها المفيدة جدا جدا على منتدى الديكور فلا داعي ان يعتذر واحد لاحد وان كان هناك من هو مدين بالاعتذار فهو انا ولا احد سواي هذه واحده اما عن دعوة البعض بالغاء منتدى او اخر فهذا راي شخصي له لا يلتزم الاخرين بعمله فارجو من الجميع التعاون وعدم الفهم بطريقة غير صحيحة حيث ان هذا المنتدى قد انشا من اجل ان يكون جسر للتواصل لا حائط للصد كما اود ان اقول لكم مازال المنتدى في البدء والمهد في النهاية اعتذر للجميع بالنيابة عن الجميع . تحياتي وتقديري وشكر الجزيل

إسلام شحاتة

موضوع: رد: شكوى الثلاثاء يناير 22, 2008 8:29 am

السلام عيكم ورحمة الله وبركاته

معذرة عن نفسى ومعذرة عن باقى الأعضاء لأننا لم نقصد أن نسئ الفهم فهو قد حدث غفلة
فأعتذر ثانية لما حدث

وعليكم السلام ورحمة الله وبركاته

موضوع: رد: شكوى الثلاثاء يناير 22, 2008 8:34 am

تحياتي اليك شيماء . لاداعي ابدا للاعتذار لكي مني التحية والتقدير . الى الامام دائما وبالتوفيق

موضوع: رد: شكوى الثلاثاء يناير 22, 2008 2:03 pm

انا مازلت عند اقتراحى بأن المنتدى يتلغى لانه من الصعب جدا ان اى واحد يقدر يحط صور لديكور او تصور لديكور لانه بيختلف من نص لاخر وبيكون حسب وجهة نظر المخرج نفسه اكتر من الديكوريست
انا حبيت اوضح بس وجهة نظرى علشان محدش يفهمنى غلط
شكرا[right]

موضوع: رد: شكوى الأربعاء فبراير 06, 2008 6:16 pm

يا جماعه انا عايز اقول حاجه انا بجد بشكر امال جدا جدا على مجهودها الجبار لأنها فعلا مقتبسه صور جميله جدا وانا اتعارض فى الرأى مع احمد عبد المعبود بالرغم انه حبيبى وايضا مع محمد حسن المعارض دائما مع اى شىء ناجح على حكر المنتدى على صور ديكور المسرح فقط بالنسبه لأحمد وايضا على الغاء المنتدى بالنسبه لمحمد حسن ، علشان احنا لسه فى اول المشوار وبجد اتمنى ان يكون هذا المنتدى حلقة وصل بين طلبة وطالبات الجامعه لكى يقدم لهم كل ما يحتاجونه .
وفى النهايه ارجو عند التحدث عن اى موضوع يجب على اى شخص ان يحترم وجهة نظر الآخر لكى تحترم وجهة نظره ، وفى النهايه احنا اخوات واصحاب مع بعض وياريت نشجع بعض مش نحبط بعض يا محمد يا حسن

موضوع: رد: شكوى الأربعاء فبراير 06, 2008 6:24 pm

على فكره يا امال انا اشتغلت فى الديكور لمدة 3 سنين سواء ديكور مسرح او ديكور شقق ومبانى فالكلام الذى يقال عن حكر المنتدى على ديكور المسرح ده من رابع المستحيل علشان لكل مخرج وجهة نظر فى توظيفه لقطعة الديكور يعنى مثلا ممكن يجى مخرج يستعمل موتيفه معينه فى مكان معين وفى شكل معين حيث تكون مختلفه نهائيا بالقارنه اذا استخدمها مخرج اخر
وفى النهايه احب ارحب بالاخوه فى الجزائر وياريت بجد حبال الود تمتد مره اخرى بين الاخوه العرب فى كل مكان ويكون هذا المنتدى من الاسباب التى تقوم بذلك ان شاء الله

موضوع: رد: شكوى الخميس فبراير 07, 2008 4:06 am

شكرا ليك يا طارق جدا ... على العموم الإختلاف في الرأي لا يفسد للود قضية ... و كمان المشاركات بتاعت الديكور نقلت إلى قسم الموضة و ما تحذفت و ده المهم ... و شكرا ليك على الترحيب ... و أتمنى أن لا أكون ضيفة ثقيلة عليكم ... تقبل تحياتي و تحيات الشعب الجزائري كله